365 370 375 380 385 390 395 400

Devant le camp saincte Maure nommé, Ou elle esmeut le combat renommé Entre Andre Dore (ayant pour lors bon heur) Et Courly Turc, de Rhodes gouverneur. Et comme elle est souvent favorisante, Moins au bon droict, qu'à la force puissante, / Faisant du nombre, & des plus fors rampart, Elle se paist de la plus foible part.     Ce temps pendant que ces choses susdictes, Telles estoient que je les ay escriptes, Et que mes deux mortelles ennemies, À me guetter n'estoient point endormies: Amour, lequel au partir de la France Meu de pitié pour ma juste souffrance, Et comme Dieu qui toutes choses voit, La trahison de Fortune scavoit: Avoit promis de ne m'abandonner, Ains en tous cas du secours me donner. M'ayant ainsi du tout pris en sa charge Me conduisoit par la Mer ample, & large, Si seurement qu'assez pres des cruelles Oultrepassay, sans estre apperceu d'elles. Mais au retour (comme j'ay desja dict) Ayans du Ciel, la faveur, & credit, Et sur le poinct que par doulx soufflements, Favorisez estions des Elements[,]                        O: , L'horrible Mort, tresinfecte, & puante, Dressa sa teste, estant encor sanglante De sang Turquesque, & void en plaine Mer Tous noz vaisseaux, pour lesquelz escumer Elle se plonge, & nage entre deux eaux.     Ò combien lors de changemens nouveaux, Vindrent soubdain en ce cler hemisphere.*            O: ! Neptune à soy estimant vitupere Souffrir ce Monstre en son regne abordant, / Frappa trois fois les eaux de son trident: Et commanda yssir hors la tourmente, Pour publier son ire vehemente. Lors Eolus voyant l'emotion, De ce grand Roy congneut l'intention: