645 650 655 660 665 670 675 680

Qui fustes source à telle inimitié Vueillez nous voir de vos yeulx de pitié, Avant du tout que soyons desconfitz. S[']il est ainsi qu'Aeneas vous fut filz Comme font foy les livres apparens, Sommes nous pas voz trespauvres parens? Mais il suffit si vous faictes tant d'heurs Nous advouer pour humbles serviteurs: Et que pour nous employez la puissance Qu'avez en Mer ou vous pristes naissance.     Ces motz à peine eu je parachevez Que dessus nous, nous vismes eslevez Flambeaux ardens tout autour du cordage, Que vieulx pilotz prindrent à bon presage, Estre affermans le vray feu sans fantosme, Des bienheureux Damian, & sainct Cosme. / Autres disoient (ayans les livres leuz) Que c'estoit feu de Castor, & Pollux Freres gemeaux: apres un bien grand trouble Monstrans en Mer heureuse clarté double. Mais les clairs feuz qui estoient la venus, N'estoient sinon les flambeaux de Venus, Qui par pitié, & par compassion Venoit chasser ma dure passion. Entrant en moy spirituellement Par les conduitz de mon entendement. La bonne dame en mon cueur arriva, Ou tout soubdain esveiller elle va Son filz Amour, qui dormoit la* tout nud          O: là Secrettement de peur d'estre congneu. Amour voulant d'elle le cas entendre Incontinent commence à son arc tendre: Et du carquois vingt traictz esmouluz tire, Tous bien forgez à preuve de martire. Sort, & s'en va tant despit qu[']il se mord, Deliberé de combatre la Mort. Laquelle ayant sa sortie esventee, Devant les traictz ne s'est pas presentee: Et n'osa pas respondre à ces alarmes: Mais s'enfuyant luy quitta tost les armes.