765 770 775 780 785 790 795 800

A telz recitz, bien que l[']on doibve croire Des maulx passez doulce estre la memoire. Nous advisons qu'en France s'en aller Pour cest yver, il n'en fault point parler, D'autre conseil est besoing que l'on use, Puis qu'en ce poinct la saison nous refuse. Nous retournons à Patras r'abiller Vaisseaux froissez, & nous r'avitailler. Ou fut conclud, à la ville famee Constantinoble, amener nostre armee. Tout preparé faisons voile, & devant Prenons la volte envers Soleil levant, / De coste en coste au long de la Moree: Region riche, antique, & decoree Par maint autheur, Peloponese dicte, Dont mainte histoire est au long bien escrite. Tout autour d'elle est la Mer espandue, Fors un destroit qui comprent d'estendue Six mil* sans plus, Ysthmon dit, & nommé:          V2: mils Ou de Corynthe est le lieu renommé, Ville jadis la premiere en delices, En grans tresors, & pompeux edifices. Nous donc suyvans la poincte en costoyant Celle Moree, & maint beau lieu voyant, Venons au port de Modon, ville forte, Clef de Turquie, ou fault que chascun sorte Qui veult entrer es fins de Mer Aegee. Là nous voyons la piteuse rengee, De vingt & deux Galeres, que la Mort En s'enfuyant brisa dedans le port. Dont estonnez du cas esmerveillable, Chascun de nous se trouve espouventable: Rememorant du passé accident, Le grand peril, à l'exemple evident, Qui en un port donne assez à congnoistre En quel estat nous povions en Mer estre. Droict à Corron nous suyvons en apres, Autre lieu fort de Modon cent mil* pres.          V2: mils Duquel les Turcs, Andredore priva, Quand leur Chesbi142 en Hongrie arriva.