805 810 815 820 825 830 835 840

Mais d'icelluy ne fut pas L[']empereur / Si bon gardien, que subtil conquereur: Le laissant perdre à sa faulte,& grand honte, Qui aux Chrestiens non peu de perte monte. De la* au cap Metapan arrivasmes,              V2, O: là Ou le vent frais par proue nous trouvasmes: Dont le retour convenoit esperer. Mais n'ayant plage, ou povoir repairer, Gaignons vogans sans controversité, Faisans vertu de la necessité. Tant que la Turme à force de tirer Gaigna la poincte, & se vint retirer Oultre le cap, au port de Portecalle*,           O: Portecaille Lieu ou l[']on prend l'annee mainte calle. Car là si tost ne sommes arrivez Que des haultz montz nous voyons derivez, Grecz à foison, descendans les vallees, Portans barilz plains de calles sallees: Ayant tauxé* la douzeine à un sol,            O: taxé Dont maint de nous en eut le ventre saoul. C[']est aussi là, ou les sacres legers, Sors & Sagartz, & sacretz estrangers Apres avoir passé la Mer entiere Sont atrappez, & pris à la panthiere. Plus nous en fut d'iceulx porté à vendre, Que nous n'avions d'argent pour y despendre. Combien que tant en estoit vil le preis Que pour l'escu aviez le sacre pris: Qui couste quinze, & par fois vingt en France.     Là sejournans pour la trop grande oultrance / Du vent contraire, attendons que le temps De sa faveur nous vinst rendre contens. Lequel venu, commencons à serper, Sortir du port, & à voile couper Le fil de l'eau, dressans les esperons De noz vaisseaux droict ou nous esperons. Bien tost passons pres l'isle Cytheree, Ou fut Venus aultresfoys adoree: Qui du lieu prit le nom qui dure encore, Et de son bruict celle terre decore.