1005 1010 1015 1020 1025 1030 1035 1040

Esquelles Grecz pauvres, & miserables Payent tribut, & tailles incroyables. En chascun feu un soultanis pour teste. Un aspre aussi paye chascune beste. / L'un un ducat, l'autre vault dix deniers. Atheniens qui furent les premiers, Et plus anciens gentilzhommes de Grece, User des droictz ne peuvent de noblesse: Ains son[t] contrainctz à tous ars mechaniques Eulx asservir, selon les loix iniques Du grant tyrant, qui les detient petis Pour les renger plus serfz, & plus craintifz. Nous n'eusmes pas un demy jour loysir De voir ce lieu, ou prenois* grand plaisir,           O: prenons Voyant encor de la cité superbe Les fondemens tous entiers, couvers d'herbe. Leur grand dessaing assez donnoit entendre Qu'elle povoit grand espace comprendre. Ayant aussi un Theatre apperceu, Que le long temps desmolir n'avoit sceu: Sur grans piliers de marbre bien assis, Seize de long, & de fronc six à six. Duquel les Grecz avoyent fait à leur guise, De saint André une nouvelle eglise: Ayant un mur au dedens fait en cerne, Que l[']oeil jugeoit assez estre moderne.     Apres avoir en celle terre Argive, Bien refreschi noz galeres d'eau vive, Du gros canon la retraicte sonnasmes: Et tout soubdain les voiles nous donnasmes Aux ventz legers, qui feirent escumer Soubs noz vaisseaux les undes de la mer: Joyeusement en tranquilité bonne, / Oultre nageans pres du cap de Colonne. Cap erigé, sur la mer eminent, A trente mil* d'Athene continent:              V2: mils Auquel y a six colonnes marbrines, D'antiquité, & de memoire dignes. Estans encor d[']un temple les reliques, Ou tous les ans souloyent les Argoliques