1085 1090 1095 1100 1105 1110 1115 1120

Que par l'effect de mort, ou de pitie: Quand à ce point nous partons par moictie. Et avec eulx n'ay point de conference, Fors qu'a* ce but d'une mesme esperance.          O: à Mais regardez lequel plus de mal sent, Ou eulx pecheurs, ou moy pauvre innocent: Et lequel mieulx à pitie vous attire, La juste peine, ou le juste martyre.     Revenons donc aux pauvres malheureux Qui par effort penible, & douloureux De l'Archipel mainte isle oultre passerent,/ Et de tirer tant le corps se lasserent, Que de sueur, & d'angoisse lavez, De Chastelroge au port sont arrivez. Ville qui est sur un mont située, De Grecz & Turcs ensemble habituée. Premierement au pied de la montaigne, Carystes dicte, assise en la campaigne D'Euboea, Isle tresrenommée, Qui maintenant Negrepont est nommée. Terre de bledz opulente, & fertile: Non de grandeur moindre que la Sicile: Pour qui ont eu Lacedemoniens Maintz differens avec Atheniens. Dont cruaulté s'en est telle ensuyvie, Que plusieurs Grecz y laisserent la vie, Comme lon voit au livre Thucydide.     L[']autre cité ou le Saniac reside, Capitale est, dicte aussi Negrepont, Ou ont les Turcs basti un nouveau pont, Oultrepassant de l'isle en terre ferme. Nous congnoissans noz vivres estre à terme, Et de biscuit le pagtot quasi vuide. Sainct Blanquart chef qui mieulx fourny se cuyde, Soudain envoye en la susdicte ville, Charger biscuyt des quintaulx quatre mille: Que Pierre bon, & Villiers achepterent, Et dedans trois galeres apporterent, Dont nul n[']y* a qui asseuré ne soit             O: n'y Contre la faim, qui ja nous menassoit. /