85 90 95 100 105 110 115 120

A qui pourrois de bouche à l'aise dire Ce que contrainct suis en peine d'escrire. Car pour tromper (amye) les ennuys Que j'ay en cueur, & les jours, & les nuictz, Je n'ay moyen fors escrire en la carte Les lieux loingtains, ou de vous je m'escarte: Pour vous donner entendre le discours De mon voyage, allant droict, ou [prend]* cours     V1: prens; O: prents Soleil levant, lequel par accident Je vois cerchant, laissant en Occident Aultre Soleil, qui cestuy cy surpasse De vertu claire, & vive bonne grace.     S'il reste en vous encor quelque amytié, Vueillez donc voir cest escript par pitié Ou vous verrez couchez sommairement, Tous mes travaulx, depuis le partement Des deux vaisseaulx, ou de Melphe le prince Et Duc de Somme, allans à leur province Avecques eulx m'embarquerent, pour cause Que de present vous escrire je n'ause.     Apres avoir au partir de Marseille, Pris du Biscuit, & de l'eau mainte seille, Dedans noz deux Galeres, bien munies De gens de guerre, & de vivres fournies: Au moys d'Octobre, entrée de l'hiver, / Droict à Tolon nous vinsmes arriver. Puis en Mer haulte apres nous engoufrasmes, Et de Leon au gouffre nous entrasmes. Vinsmes passer sans prendre, ou toucher Terre Pres la Dardeine, & l'isle de sainct Pierre. Corsegue aussi à main gauche laissasmes: Et puis d'Enfer le gouffre traversasmes: Jusques à tant que nous veismes l'antique Terre, & païs de la coste d'Afrique: Au mesme endroit, ou fut la grand Carthage De Dido regne, & fameux heritage. Semblablement ou d'Afrique la ville Faicte aux Romains tributaire, & servile A Scipion donna bruict, & renom, Et d'Africain le louable surnom.