1245 1250 1255 1260 1265 1270 1275 1280

Nous faisans monstre avec offre civile De tout le riche, & plus beau de leur ville. Le peuple en crainte au paravant espars, Accourt vers nous joyeux, de toutes pars: Nous caressoit de cueur, & de visage, S'esbahissant d'ouyr nostre langage: Des habitz courtz dont nous sommes couverts, Qu'ilz trouvent tant estranges, & divers, Comme trouvons diverses leurs facons, Et d'eulx aussi nous nous esbahissons. Non toutesfoys tant de leur nouveaulté, Que de pencer* celle communaulté               V2, O: penser Povoir regner si longs temps belle, & riche Parmy les Turcs, sans estre mise en friche. Chose qui semble estre plus impossible, Que la brebis povoir vivre paisible Parmy les loups: car Turcs d'ancienneté, Sont pis que loups envers la Chrestienté.     Or estans lors contens noz esperitz D'avoir en mer fuy tant de perilz, Nous trouvons tant le repos agreable, Le changement de vivres savorable: Tant nous est doulx en terre le dormir, Hors du tourment de branler, & vomir. Un air de terre, une doulceur benigne, / Tant nous agrée au pris de la marine, Que seulement aspirer, sans le reste, Nous nourrissoit comme manne celeste. Qui eust veu lors toute nostre brigade Qui paravant avoit faulte d'egade, De malvoysie, & vin cler se remplir, Le jour entier à bien boire accomplir: Il eust jugé les festes honnorées Du dieu Bacchus, estre là restaurées. Tant y faisoit tout le monde grant chere, Sans y trouver marchandise trop chere. Dames d'honneur, & de beauté douées, De leurs maris sont aussi advouées A caresser l'humanité Francoyse. Chascun de nous en langue Genevoyse