1285 1290 1295 1300 1305 1310 1315 1320

Va deviser privement avec elles, Excepté moy: car bien qu'elles soyent belles, Laides les trove, & leur civilité Estre me semble une imbecilité. Tant impossible est qu'en mon cueur je sente Aucun plaisir, ou vous estes absente: Qui me contraint absenter tous deduitz, Et solitaire avoir mes sens reduitz Au seul plaisir de pensée secrette. Je voys, je viens, j'espere, je regrette, Je considere, & voy la constructure Des bastimens de ce lieu de nature. Du port l'entrée, & combien de vaisseaulx Peuvent surgir en ces tranquilles eaux. / Ores m'enquiers des statutz de la ville, De quel tribut elle est au Turc servile: Combien de feuz toute l'isle comprend: Quel revenu la Seigneurie en prend. Puis je me fais conduire es lieux plaisans Ou le mastic se produit tous les ans, Gomme qui sort de petis arbrisseaux Qu'à peine on peult recueillir à plains ceaux. Chose pour vray de grand' merveille digne. Je advise puis quel vent en mer domine, Si c'est Siroc, Mydi, le beix [,]Ponant, Mestral [,] le Grec, Transmontane, ou Levant Et me delecte à voir voiles enflées, Des mesmes vents en mer haulte soufflées. Tantost j'attens les vagues fluctueuses Encontre moy ruans impetueuses : Si que par foys l'unde mon pied surprend, Quand assez tost sa desmarche il ne prend[.]*          O: [.] Tantost j'escry, & en vers je compose Ce que l'oeil void, ce que l'erreur propose.     Ainsi souvent passant ma fantasie, Un jour à l[']oeil j'ay la rive choisie Ou Theseus (qui fut à mon advis Plus dur que n'est rocher que là je veis) Laissa la pauvre Ariadne ravie En la Candie, ou el' saulva la vie