1325 1330 1335 1340 1345 1350 1355 1360

A ce meschant, qui pour toute desserte La laissa seule en celle isle deserte: Entre animaulx, esquelz plus de pitié Elle trouva, qu'au trahystre d'amytie./ Ò malheureux! Ò trahystre miserable! Est ce la foy promise inviolable? Qui doibt tant estre observée entre amys, Que la loy saincte ou Dieu nous a soubmis: Est ce le lieu ou tu doibs laisser seule Celle qui t'a seul tiré de la gueule Du Minotaure, & qui voulut instruire Le tien recteur, & moyen de destruire Ce monstre horrible, alors qu'il s'apprestoit Faire de toy ce que bien meritoit Ton cueur ingrat?* Ò guerdon execrable!            O: ! Ò femme folle en amours excusable! Ton infortune assez donne à entendre, Que mal pour bien ne se doibt jamais rendre. Certes (amye) au lieu que je vous dis Je fey en moy des discours plus de dix, Rememorant l'histoire trop enorme De Theseus: la facon, & la forme Comment povoit vivre la pauvre Dame Dedans ceste isle, ou ne demouroit ame. Et la* dessus je comprens en moymesme            O: là Que c[']est grand perte, & pitié trop extreme De ceulx qui ont fondé leur loyaulté En cueur ingrat rempli de cruaulté. Et doibt on bien si amour le permect, Choisir le lieu ou c'est que l[']on se mect, Qui est un poinct ou fort je me contente, Quoy qu'il advienne en fin de mon attente. Et en cela j'estime mon grand bien D'avoir choisi (ce me semble) tresbien. / Lors que je fey de celle election Qui de ce monde est la perfection. Et ne me puis (quelque mal que j'endure) Persuader que sa cruauté dure. Car son esprit qui tant de grace herite, Un jour verra son tort, & mon merite.