1365 1370 1375 1380 1385 1390 1395 1400

Mais revenons à vous parachever Que je devins le reste de l'hiver. Voyant l'armée à l'ancre, je concluds Ne sejourner oysif en ce lieu plus. Puis un desir bien grand me sollicite Aller droit là ou le grand Turc habite: Pour acquiter mon humble obeissance Envers qui a me commander puissance : En preferant par debvoir le service De monseigneur, au sejour, & delice. Bien que devant le partir je prevoye En temps d'hiver difficile la voye. Et que la terre en ces lieux estrangers Autant que mer soit pleine de dangers: Mesmes à moy n'ayant practique aucune Avec les Turcs, ny langue à eulx commune. J'ay toutesfoys de servir tel desir, Que tous travaulx ne me sont que plaisir. Tous les hasars me servent d'asseurance Que je viendray au but de l'esperance. Par ainsi rien tant soit espouventable Ne divertit mon vouloir immuable. Je me fournis d'un truchement expert, Et un matin comme le jour appert, / Et que l'Aurore à poindre coustumiere Avoit desja de sa clere lumiere Ouvert la terre, & le ciel rendu vuide De sa triste umbre, obscurcie, & humide: J'entre dedans une barque petite: Et me metz hors de la cité susdicte. Cent mil* de mer loing de l'isle jolie           V2: mils Passer me fey ces fins de Natolie: Minerasie, aultrement appellée. Ou pour parfaire en brief temps mon allée Je me fournis de chevaulx de louage Pour porter moy, ma garde, & mon bagage. D'un Turc aussi pour seureté plus grande Je m'accompaigne. ainsi à peu de bande Commencement je donne aux destinées Qui celle part m'estoyent determinées.