1445 1450 1455 1460 1465 1470 1475 1480

Par la duché d'Ephesos, ou vivoit Le bon sainct Paul du temps qu'il escrivoit. Nous descouvrons les montaignes Idées Ou Paris a maintes bestes guydées: / Lors que berger il trompa d'amour faincte Oenone, avant que Troye fut estaincte: Et que luy juge aux trois Deësses nues Meut le principe aux guerres survenues. Nous descouvrons les campaignes, & champs Ou les Grecz ont donné maintz coups tranchans. Ou Achilles, & Hector, les plusfors, Feirent, armez, maintz belliqueux effors[.]        V2: [:]; O: [.] Ainsi passant parmy celle contrée Qui des Gregeoys fut si mal accoustrée, Je considere (amye) les douleurs Les accidens, les peines, & malheurs Que peult causer un amour illicite. Et au rebours combien vault, & profite En cueur honneste une amytié louable, Comme est la mienne à jamais immuable.     Suyvant propos, Sultan mostafa, filz Du grand Seigneur, à qui le dieugard feis, Nous feit donner en la ville susdite Un saufconduit, auquel fut interdicte Deffense à ceulx de son gouvernement De nous donner empesche aucunement. Et que tous Turcs eussent à nous deffendre Dessus la vie, & point ne nous offendre. Bon faisoit veoir la suyte, & l'equipage, Du jeune Prince, & son beau personnage: Qui monstre bien au visage severe, (Lequel desja chascun craint, & revere) Qu'il pourra faire au grand prebstre Rommain Un jour du mal, si Dieu n'y mect la main./ Combien que luy asseurement n'espere D'estre Empereur apres la mort du pere. Qui est un cas le plus abominable Qui soit au monde, & le moins raisonnable Car s'ilz estoient ou vingt ou trente freres Celuy qui peult gaigner les genisseres