1525 1530 1535 1540 1545 1550 1555 1560

Nous trouvons vins assez delicieux Aux logis Grecz: car les Turcs vicieux A boire vin si fort offenseroyent, Que par leur loy punissable[s]* seroyent.              V2, O: punissables Des que l'Aurore au matin se monstroit, Chascun de nous sur son cheval montoit: Et sans [troter]*, allans tousjours le pas              V2, O: troter Sur le mydi prenions nostre repas Dessoubz quelque arbre, ou la chaleur haultaine Ne nous nuysoit, pres de quelque fontaine. La* repaissions, dieu scait comment traictez[.]*       V2, O: Là; V2 [:]; O [.] Si nous avions quelques vivres portez, Nous les mengions, sans linge, ne sans table[,]*      V2, O: [,] Ny sans loger noz chevaulx à l'estable. /     Ainsi allans avec peine infinie Oultrepassons toute la Bithynie: Tant qu'à present par la divine grace Sommes dedans la grand cité de Thrace. Ou je veulx bien (si mon sens peult suffire) Ce que je voy m'essayer vous descrire.     Constantinoble est une ville antique De Constantin excellente fabrique, Anciennement dicte Byzantion: Dont maint autheur fait mainte mention. La mieulx assise, & la mieulx située Sur toute ville au monde habituée: Faicte en triangle, & limitée en trois Dont en deux pars la Mer par ses destroiz Va tout au tour, le tiers est terre ferme Qui les derniers confins d'Europe ferme. Auquel costé y a de grands fossez A fons de rive, & deux murs bien pressez: Au bout desquelz à l'endroit du Ponent Le vieil palais Royal est eminent, Qui sur la mer devers mydi regarde: Ou le tresor du Seigneur est en garde. Vers l'Orient tout autour de la ville Est le Saray superbe, & tresutile Pour bien defendre, & l[']acces empescher A tous vaisseaulx qui vouldront approcher.