1565 1570 1575 1580 1585 1590 1595 1600

Tout vis à vis la mer Orientale, Se part en trois [.]* [L]'une part vient egale*          V2, O: [,]; O: [.] Se reünir dedans la mer Pontique, Que mer Majeur aultrement on explique: / Par un destroit qui les deux Mers embrasse, Nommé jadis le bosphore de Thrace. L[']autre moytié tient à mer Hellesponte: Destroit auquel perdit honneur, & honte Hero la fille, alors que Leander Ne peut à soy, ny aux eaux commander. Le tiers finit de son cours le repaire Entre les deux Constantinoble, & Pere, Galatas dicte, au temps d'antiquité Ville prochaine à la grande cité Ou de present trafiquent marchandise Chrestiens vivans soubz la Rommaine eglise. Temples ayans propres aux oraisons: Femmes, enfans, mesnages, & maisons Estans, sans plus, au grand Turc tributaires, Selon le taux des tributz ordinaires. Lequel canal en l[']eau doulce redonde Et fait un port le plus riche du monde. Riche je dy pour la commodité Du lieu si propre, ou peult la quantité De mille nefz à l'aise reposer: Pouvans la poupe à bort terre poser. Riche par un excellent edifice D'un arsenac, à recepvoir propice Deux cens vaisseaux, galere ou galiace: Et tresaisee, & bien fort seure place, D'artizans riche, & de tous garnimens De palemente, & aultres fournimens. Le long du port au costé de main droicte Est la montaigne haulte non point estroicte / Servant d'obstacle aux vens impetueux Ou sont les beaux jardins voluptueux. Tout vis à vis de Pere à l[']opposite Est le grand cloz de la Cité susdicte: Au grand Paris egal en quantité, Mais non si bien basti, & habité.