1605 1610 1615 1620 1625 1630 1635 1640

Dedans lequel y sont montaignes sept Ou Machomet, Selin, & Bajaset Et Solymam, quatre Turcs empereurs, Feirent dresser quatre temples pour eulx: Qu'en langue Turcque ilz appellent Masquees, Excellemment en rondeur fabriquees. Des autres trois montaignes est en l[']une Le vieil palais, maison à tous commune. Là de present sont boutiques patentes Ou l[']on besoigne aux pavillons, & tentes. Et la seconde est le siege papal Du Patriarche en Grece principal: Vivant leans avecques certains moynes Colonges dictz, qui s'estiment idoines De dignité Cardinale, * combien                 V2: [:] Que nul n'en a ny le nom, ny le bien[.]*           O: [.] Luy reformé au plus hault de la ville, Paye au Seigneur des ducatz quinze mille, Pour le tribut des eglises Gregeoyses, Dont il est chef, n'ayant gueres ses ayses. En la troisiesme, & montaigne derniere Est la Masquée, à present coustumiere Du grand Seigneur, dicte saincte Sophie: Superbe tant que mon sens ne se fie / Vous en povoir d'elle rendre bon compte, Car ce subject toutes langues surmonte. Elle qui fut la Metropolitaine De toute Grece, eglise souveraine Souloit avoir (qui est merveilleux cas) De revenu trois cens mille ducatz. Et si souloit (comme on m'a fait entendre) Plus d'un grand mil en son cerne comprendre. Tant grande estoit, magnifique, ample & forte, Qu'on y entroit par cent & une porte: Mais maintenant les deux grandes parties Sont en ruyne, & des Turcs amorties Qui en ont fait bastir, & dresser sus Leurs temples beaux, que j'ay dit cy dessus. Bien que ce peu qui encores abonde Soit des plus beaux edifices du monde.