1725
1730
1735
1740
1745
1750
1755
1760
De vous ouvrir les raisons
necessaires
Pour bien scavoir qui sont ces
genissaires,
Comment ilz sont par la Grece levez
Des leur enfance, & de la loy privez:
Consequemment de vous rendre raison
De tous estatz qui sont en la maison
De ce grand Turc, de son obeissance:
De ses tresors, de toute sa puissance:
De son recueil
trop plus grave que*
humain O:
qu'
Quand estrangers luy vont baiser la main:
De ses deduictz,
de ses garsons infames,
De ses jardins, de ses quatre cens femmes,
De ses statutz modernes & anciens,
De quelles loix il gouverne les siens
De Machomet, de ses religions,
De ses confins, païs, & regions
De sa justice, & de sa tyrannie:
Il me fauldroit une Bible infinie.
Je m'abstiendray (pour la prolixité)
A vous narrer celle diversité:
Soubz un espoir, que le plaisir de Dieu
Sera de brief me r'appeller* au
lieu V2:
rappeller
Ou vous serez aise le tout scavoir
De moy, qui plus le seray de vous veoir. /
Aussi je doy quelque cas retenir
De nouveaulté, pour vous entretenir:
Lors que d'amour l'estincelle insensee
Viendra troubler ma voix, & ma pensee.
Car si voulois (amye) vous compter
Tel que peult bien le grand nombre monter
Des cas divers, dignes de
grandz merveilles,
Veuz de mes yeulx, ouyz de mes oreilles,
Depuis le temps que suis en ce païs:
Autant seroient vos espritz esbahis,
Comme les miens, empeschez de bien mettre
Si long discours, en si sommaire lettre.
Qu'il vous plaira recevoir en ostage
Du temps
qui peult me donner l'avantage
De vous revoir aussi saine, & contente,
Qu'à moy fascheuse en restera l'attente.