205 210 215 220 225 230 235 240

Car tost apres que leur faulse malice Eut apperceu la deesse sans vice, De boire au lac par refus estrangée, Leur forme fut en grenouilles changée: Si que depuis au parfond se musserent De mesmes eaux qu'à grand tort refuserent: Laquelle peine, & transmutation Puisse venir à celle nation Qui nous nia, non vivres seulement, Mais eau qui est un commun element. Nous donc venus en l'ingrate contrée, Sans avoir eu en aulcun port entrée Fors à Corfou, ou nous ne fusmes guiere: Vinsmes prendre eau au port de la figuiere*.       O: Figuiere Puys à virer les proues commencasmes En faisant force, & tant nous avansasmes Que de Patras au gouffre nous nous mismes, Et la Turcquesque armée decouvrismes, Surgie en mer, en troupe espouventable, Dont le regard n'est pas moins veritable, Ne moins estrange à l'oeil qui le contemple, / Qu'est incroyable au monde le bruit ample Des hommes, nefz, & galeres sans nombre, Mettant le goufre, & les poissons à l'ombre Si qu'au travers, l'[onde]* marine verte,              V2,O: l'onde Ne pouvoit estre à mes yeulx descouverte. Et me sembla des le premier arrest Que je voyois une grande forest Qui paroissoit couppée de nouveau, Ou l[']on avoit laissé maint baliveau. Tant y avoit d'arbres, & de longs mastz, Qu'à les nombrer on n'eust sceu faire amas De la moitié, non pas du demy quart, Y eust Argus ses cent yeulx à l'escart.     A l'arriver, les galeres Francoyses Nous saluans, feirent grand bruit, & noyses: Forsatz captifz, trompettes, & haultboys, Coups de Canons font entendre leur voix. Turcs en apres tout en un mesme instant Mirent le feu, & en feirent autant.